Bro Teifi yn ffarwelio â Chydlynydd Wrth Gefn
Mae Cynllun Tai Gwarchod Bro Teifi, sy’n eiddo i Tai Ceredigion, wedi gorfod ffarwelio â Bill Cooper, Cydlynydd Wrth Gefn Cynlluniau Tai Gwarchod, a ymddeolodd fis diwethaf. Bu Bill yn gweithio yn yr adran dai am dros bum mlynedd, gyda Tai Ceredigion a gyda Chyngor Sir Ceredigion cyn hynny, gan gyflenwi yn ôl yr angen yn y naw Cynllun yn ogystal â gosod larymau cymunedol ledled y sir.
Meddai Marilyn Farmer, Cadeirydd Cymdeithas Tenantiaid Cynllun Tai Gwarchod Bro Teifi, “Rydym yn ddiolchgar iawn i Bill am ei gymorth a’i gefnogaeth yn y cynllun ar hyd y blynyddoedd. Roedd Mary Bailey wedi trefnu casgliad arbennig ar ei gyfer, ac roeddem yn falch o gael ffarwelio’n iawn ag ef gyda chyflwyniad nad oedd Bill yn ei ddisgwyl. Rydym yn dymuno’n dda iddo yn ei ymddeoliad.”
Roedd Cydlynwyr eraill y Cynlluniau Tai Gwarchod wedi trefnu casgliad a pharti ffarwel i Bill yn Aberaeron, ac maen nhw’n ymuno â gweddill staff Tai Ceredigion i ddymuno ymddeoliad hir a hapus iddo.